२८ बैशाख
बाग्लुङ । बाग्लुङ जिल्लाको ढोरपाटन नगरपालिका–५ प्याङखोलामा ट्याक्सी दुर्घटना हुँदा दुई जनाको मृत्यु गएको छ । साथै एकजना घाइते भएको प्रहरीले जनाएको छ ।
इलाका प्रहरी कार्यालय बुर्तिबाङका प्रमुख जयराम वन्तका अनुसार मगलबार साझ पोखराबाट ढोरपाटन नगरको प्याङ्खोला जाँदै गरेको ध १ ज ५२८ नम्बरको ट्याक्सी प्याङ्खोला घुम्तीमा दुर्घटना भएको हो । दुर्घटनामा परि ढोरपाटन नगरपालिका–५ का ४० वर्षीय जोकबहादुर विक र चालक बडिगाड गाउँपालिका–५ का ढालबहादुर थापाको मृत्यु भएको वन्तले जानकारी दिए ।
ट्याक्सी चालक थापालाई उपचारका लागि पाल्पा लैजाँदै गर्दा बाटोमै मृत्यु भएको जनाइएको छ । दुर्घटनामा मृतक विककी श्रीमती ३८ वर्षीय रतिकला विक घाइते भएकी छन् । उनको बुर्तिबाङ प्राथमिक स्वास्थ्य केन्द्रमा उपचार भइरहेको छ । दुर्घटनाको विषयमा थप अनुसन्धान भइरहेको प्रहरी प्रमुख वन्तले उल्लेख गरेका छन ।