वैशाख २०,२०७९ गुल्मी
गुल्मीमा ४ बर्षीय नावालिकालाई जवरजस्ती करणी गरेको आरोपमा १६ बर्षीय किशोर पक्राउ परेका छन् ।
जिल्लाको मुसिकोट नगरपालिका वडा नम्वर ९ का १६ बर्षीय किशोरले घरमा कोही नभएको मौका छोपी घरको कोठाभित्र लगी जवरजस्ती करणी गरेको भन्ने उजुरीको आधारमा प्रहरीले सोमबार पक्राउ गरेको हो ।
त्यी किशोरले बैशाख १२ गते साँझ करिव पाँच वजे जवरजस्ती करणी गरेको भन्ने उजुरीको आधारमा पक्राउ गरिएको जिल्ला प्रहरी कार्यालय गुल्मीका प्रहरी नायव उपरीक्षक माधव खरेलले जानकारी दिए ।
निजलाई जिल्ला अदालत गुल्मीबाट म्याद थप गरी थप अनुसन्धान अगाडी बढाइएको खरेलले बताए । घटनाको बारेमा थप अनुसन्धान जारी रहेको जिल्ला प्रहरी कार्यालय गुल्मीले जनाएको छ ।
