५ पौष,खुल्लान्यूज
जिल्ला ब्यूरो । गुल्मीको वामीटक्सार देखि सदरमुकाम तम्घास जाँदै गरेको ट्रयाक्टर दुर्घटनामा परेको छ । मुसिकोट नगरपालिकाको वामी देखि तम्घास जाँदै गरेको लु १ त ११०० नम्बरको ट्रयाक्टर दुर्घटनामा परेको हो ।
दुर्घटनामा परी एक जनाको ज्यान गएको छ। साथै दुईजना घाइते भएका छन । ज्यान गुमाउनेमा मुसिकोट नगरपालिका ५ कि ३१ वर्षीया पार्वती विक रहेकी छन ।त्यस्तै सवारी चालक सहित अन्य १ जना घाइते भएका छन । उनिहरुको पहिचान हुन सकेको छैन ।
सवारी चालकको अबस्था गम्भीर रहेको र जिल्ला अस्पतालमा उपचारको लागी पठाईएको बताईएको छ । जिल्लाको मुसिकोट नगरपालिका वामिटक्सारबाट सदरमुकाम तम्घास आउदै गरेको लु १ त ११०० नम्बरको ट्याक्टर मुसिकोट नगरपालिका चारको तल्लो पानीमा दुर्घटना भएको वडा अध्यक्ष ओम प्रकाश केसिले बताएका छन ।