१४ पौष,खुल्लान्यूज
प्रदेश ब्यूरो । नेकपा प्रचण्ड माधव पक्षका नेता घनश्याम भुसालले संविधान सर्वभौमसत्ताको रक्षाको लागि नेपाली जनताले राखेको चौकिदारले नै त्यसको बर्खिलाप गरेको बताएका छन । जनताको नासो राख्न तलब दिएर राखिएको चौकिदारले नासो नै स्वम आफ्नो मानमा अनाउन उद्देलित भएको आरोप लागाउदै यसो गर्न मिल्छ कि मिल्दैन भनेर प्रषन गरेका छन । साथै अबको तीन महिना भित्रमा संसद पुनःर्स्थापना गरेरै छाड्ने दाबी समेत गरेका छन् । संसद विघटनको विरोधमा प्रचण्ड–माधव समूहले आज बुटवलमा आयोजित प्रदर्शनपछिको कोणसभालाई सम्वोधन गर्दै उनले सो कुरा बताएका हुन् । असवैधानिक कदम लामो समय नटिकेको प्रसंग स्मरण गर्दै पूर्वमन्त्री समेत रहेका भुसालले बढीमा तीन महिनाभित्र संसद पुनःर्स्थापना हुने दावी गरे । लोकतन्त्रको संरक्षक सर्वोच्च अदालत भएको भन्दै उनले सर्वोच्चले लोकतन्त्रमा विवेकपूर्ण निर्णय गर्ने विश्वास व्यत गरे ।
प्रधानमन्त्रीको कदमविरुद्ध आफुहरुको आन्दोलन कुनै पनि हातलमा नरोकिने बरु हेरक ठाउँमा बढ्दै जाने दाबी गरे । प्रधानमन्त्री ओलीले संसद विघटन गरेर ३ करोड नेपालीहरुको अधिकारलाई अपमान गरेको समेत बताए ।
नेपालमा कुनै पनि प्रतिगमन नटिकेको उल्लेख गर्दै उनले २०१७ सालमा राजाले गरेको प्रतिगमन ३० वर्ष पछि जनताले  फिर्ता ल्याएको स्मरण गरे । त्यस्तै २०६१ सालमा  राजा ज्ञानेन्दले चालेको प्रतिगमनलाई पनि नेपाली जनता सडक आएर तीन वर्षमै फिर्ता गरिदिएको उनल स्मरण गरे । अहिले प्रधानमन्त्री ओलीले गरेको संसद विघटन पनि तीन महिनाभित्र नेपाली जनताहरुले  फिर्ता गरेरै छाड्ने उनको दाबी थियो ।