१८ पौष,खुल्लान्यूज
जिल्लाब्यूरो । गुल्मीमाको रेसुङ्गामा आगलागी भएको छ । जिल्लाको रेसुङ्गा नगरपालिका ५ खाम्सेपानी भन्ने ठाउँमा आगलागी हुदाँ ८ पशु चौपाया जलेर ज्यान गुमाएका छन।
आगलागीबाट ३ पशु चौपाया घाइते भएका छन् । खाम्सेपानीका कृष्ण बहादुर कुवरको टिनले छाएको गोठमा शुक्रबार राति १२ बजे आगलागी भएको जिल्ला प्रहरी कार्यालय गुल्मीले जनाएको छ । आगलागीबाट मानविय क्षति भने भएको छैन ।
आगलागीको कारण अझै खुलेको छैन । स्थानीयको सहयोगमा आगाे नियन्त्रणमा आएपनी गोठ जलेर पुर्ण रुपले नष्ट भएको प्रहरीले बताएको छ ।