२४ पौष,खुल्लन्यूज
जिल्लाब्यूरो । गुल्मीमा एक किसानले सञ्चालन गरेको बाख्रा खोरमा आगलागी हुँदा खोरमा रहेका २५ वटा बाख्रा जलेर नष्ट भएका छन् । जिल्लाको चन्द्रकोट गाउँपालिकामा भएको आगलागीबाट बाख्रा जलेका हुन् ।
चन्द्रकोट गाउँपालिका वडा नं ३ हर्राचौरमा स्थानीय विरेन्द्र शाहले सञ्चालन गरेको फर्ममा आगलागी भएको हो । आगलागीबाट खोरमा रहेका २५ वटा बाख्रा जलेर मरेको जिल्ला प्रहरी कार्यालय गुल्मीले जनाएको छ ।
जाली,जस्ता र काठले बनाईएको यस थ्रि बाख्रा फारममा गएराति अचानक आगलागी हुदा उक्त बाख्रा फारममा रहेका २५ वटा वाख्रा मध्ये १७ वटा माउ बाख्रा र ८ ओटा साना ठुला बोका जलेर मरेको प्रहरीले जनाएको छ ।
त्यस्तै आगलागीमा परी फारमका संचालक सोही ठाउँ बस्ने शाहाको गाला र हात जलेको छ । उनको अहिले मेडिकल कलेज भैरहवामा उपचार भईरहेको बताईएको छ । आगलागीबाट झण्डै ३२ लाख मुल्य बराबरको क्षति भएको प्रहरीको भनाई छ । आगलागीको कारण खुलेको छैन् ।