१० असार
प्यूठान । प्यूठान जिल्लाको माण्डवी गाउँपालिकाले दशौं गाउँसभामा सम्पन्न गरेको छ । पालिकाले धेरै जनमुखी कार्यक्रम ल्याएको छ ।
वार्षिक नीति तथा कार्यक्रममा समावेश भएका मुख्य मुख्य बिषयबस्तुहरु:
१) विश्वव्यापी रुपमा फैलिएको कोरोना भाइरसको रोकथाम तथा नियन्त्रण र जनताको स्वास्थ्य सुरक्षित गर्न आवश्यक पर्ने श्रोत साधनलाई न्यून हुन नदिन उचित रकम विनियोजन गर्ने
२) जिल्लाको शान्ति समितिबाट प्रमाणित शहिद परिवारलाइ मासिक रु १ हजार रुपैयाँ भत्ताको व्यवस्था र द्वन्द्वबाट घाइते परिवारलाइ सिपमुलक आयआर्जन मुलक तालिमको व्यवस्था गर्ने
३) माण्डवी गाउँपालिकाबासी सबैलाइ २० युनिट सम्मको न्युनतम महशुलको हुन आउने रकम निशुल्क गर्ने ।
४) संस्थागत सुत्केरी मार्फत मातृ मृत्युदर र शिशु मृत्युदर न्युन गराउनको सुत्केरी महिलालाइ घर देखि स्वास्थ्य चौकी र जिल्ला अस्पतालसम्म पुर्याउनका लागि गाउँपालिकाले निशुल्क रुपमा एम्बुलेन्सको ब्यबस्था गर्ने |
५) गाउँपालिकाका सबै मा.वि विद्यालयहरुमा तेक्वान्दो खेलको सुरुवात गर्ने |
६) बेरोजगार युवा तथा कृषक लक्षित सहुलियत दरको ब्याजमा ऋण प्रबाह गरि कृषि र अन्य व्यवसायमा जोड्नका लागि विशेष कार्यक्रम सञ्चालन गर्ने ।
७) कृषि तथा पशुपंक्षीको पकेट क्षेत्रको रुपमा चिनाउन तरकारी पकेट कार्यक्रम , बाख्रा पकेट कार्यक्रम कार्यान्वयनमा ल्याइने ।
८)कृषकले गाउँ -गाउँमा उत्पादन गरेका कृषि उपजलाई सहज बजारिकरण गर्नका लागि निशुल्क रुपमा कृषि एम्बुलेन्स र भण्डारणकेा लागि चिस्यान केन्द्र र हाटबजारको सुनिश्चितता गर्ने
९) कोभिड-१९ का कारण रोजगार गुमाएका तथा बेरोजगार युवाहरूलाई मध्यनजर गर्दै बिभिन्न सिप मुलक तालिम र व्यवसायमा समाबेस गर्ने गरि विशेष कार्यक्रम सञ्चालनमा ल्याइने
१०) गाउँपालिका भित्रका सबै गाउ बस्तिहरुमा सडकको पहुंच पुर्याउनको लागि नयाँ सडकको ट्र्याक खोल्ने कार्य सम्पन्न गर्न
११) ” उज्यालो घर, माण्डवीकाे भर ” कार्यक्रम लाई निरन्तरता दिँदै यस वर्ष गाउँपालिकाको सबै जनताको घरधुरीमा बिद्दुत बिस्तारिकरण कार्य सम्पन्न गर्ने
१२) गरिवीको पहिचानको रुपमा रहेको फुसको छानोलाई पूर्णरूपमा मुक्त गर्नका लागि एउटा मात्र घर भै खरको छानो भएको बाँकी सबै घरमा यसै वर्ष जस्तापाता उपलब्ध गर्ने कार्य सम्पन्न गर्ने
१३) गाउँपालिकामा रहेका मगरबासिहरुको मगर भाषा संरक्षण र प्रशिक्षणकाे लागि प्रत्येक वडाका मगर बस्तिहरुमा मगर भाषा सिकाउने र मारुनि नाचको संरक्षण र प्रवर्दधकाे लागि विशेष कार्यक्रम सञ्चालनमा ल्याइने
१४) दलित लक्षित कार्यक्रम मार्फत सबै वडाहरुमा पन्चे बाजाको संरक्षण, आरन पेशालाई व्यवसायिकरण , सिकर्मी डकर्मी पेशालाई आधुनिकतामा परिणत गर्ने गरि बजेटको सुनिश्चितता
१६) गाउँपालिकाबासी सबैलाइ खानेपानीको आधारभूत आवश्यकतालाई गुणस्तरीय र दिगोरुपमा पुरा गर्ने गरि खानेपानीको आयोजनाहरुका लागि केन्द्र ,प्रदेश र गाउँपालिकाबाट आवश्यक रकमकाे सुनिश्चितता
१७)भौगोलिक बिकटताको कारण जोखिम लिएर शिक्षा लिनको लागि गाउँ छाड्नुपर्ने बाध्यता र आवश्यक पुर्वाधारको व्यवस्थाको आधारमा श्री सरस्वति प्रा. वि , मुकचैारमा कक्षा ४, ने. रा. आ. वि. थक्लेनिमा कक्षा ७, सनराइज एकेडेमिमा कक्षा ८ र माण्डवी मावि, नयाँगाउँमा प्राविधिक धार तर्फ कक्षा ११ थप गर्ने निर्णय ।
१८) गाउँपालिकामा कार्यरत कर्मचारीहरुका लागि १० दिनको लागि पर्यटन काजको व्यवस्था गर्ने ।
