खुल्ला न्यूज
२८ असाेज २०७८, गुल्मीमा मोटेसाईकल दुर्घटना हुँदा २८ वर्षका युवाको मृत्यु २८ असोज गुल्मी । गुल्मी जिल्लाको मुसिकोट नगरपालिका वडा नम्बर ७ झेंदिमा मोटरसाईकल दुर्घटना हुँदा एक जनाको मृत्यु भएको छ । दुर्घटनामा परि मुसिकोट नगरपालिका वडा नम्बर ४ धारापानिका २८ बर्षिय सुरज हितानको मृत्यु भएको र मोटरसाइकलमा सवार मुनपा ४ धारापानिकै रबिन शाहि ठकुरि सामान्य घाइते भएको प्रहरिले जनाएको छ । हात र छातिमा चोट लागेका हितानको उपचारका लागि जिल्ला अस्पताल तम्घास लगिएको र उपचारको क्रममा बुधबार राती नै मृत्यु भएको प्रहरीले जनाएको छ । बुधबार साँझ करिब ८ :४५ बजे मुसिकोट ७ वामी टक्सार देखी मुसिकोट ४ बडागाँउ धारापानि जाँदै गरेको लु ३६ प ६८३३ नम्बरको मोटरसाईकल मुसिकोट ७ झेँदिमा रहेको बडिगाड नदिको पुल नजिकै दुर्घटना भएको जानकारी प्राप्त भएको छ। मोटरसाइकल अनियन्त्रित भई दुर्घटना भएको प्रहरिले जानकारी दिएको छ ।
