प्रकाश चालिसे
चैत ९,२०७८ गुल्मीः
गुल्मीमा वडिगार्ड खोलामा पौडी खेल्ने क्रममा एक जना युवा बेपत्ता भएका छन् ।
जिल्लाको रुरुक्षेत्र गाउँपालिका वडानम्बर–५ निवासी किरण गिरी बुधवार दिउँसो वडिगार्ड खोलामा पौडी खेल्ने क्रममा डुबेर बेपत्ता भएको जिल्ला प्रहरी कार्यालय गुल्मीले जनाएको छ ।
बेपत्ता युवा छत्रकोट गाउँपालिका वडानम्बर–१ रमौदी स्थित वडिगार्ड खोलामा पौडी खेल्न गएको प्रहरीले जनाएको छ ।
वडिगार्ड खोलामा डुबेर बेपत्ता भएको खबर प्राप्त हुनसाथ इलाका प्रहरी कार्यालय जोहाङबाट प्रहरीनायव निरीक्षक लक्ष्मण बिकको कमाण्डमा ५ जनाको टोली खटिइ खोजीकार्य भइरहेको छ ।
