प्रकाश चालिसे, गुल्मी
अलि ठुलै बिरामी परे पाल्पा बुटवल जादा गुल्मीका जनताले हैरानी खेप्नु परेको थियो तर अब भने गुल्मीमै उपचार हुने भएको छ । गुल्मीको गुल्मी दरबार गाउपालिका वडा नम्बर ४ वीरबासमा सुविधा सम्पन्न वीरबास हेल्थ क्लिनिक एण्ड डाईग्नोष्टिक सेन्टरको स्थापना गरिएको छ ।
गुल्मीदरबार गाउँपालिकाका प्रमुख सरोज कुमार थापाले आज एक कार्यक्रमका बीच उक्त सेन्टरको उद्घाटन गरेका हुन् । उद्घाटन कार्यक्रममा बोल्दै थापाले गाउँमा स्थापना भएको यस सेन्टरले बिरामीलाई टाढा पुग्नुपर्ने बाध्यताको अन्त्य गर्दे गाउँलेले सहज र सुविधा सम्पन्न उपचार पाउने कुरामा आफू आशाबादी भएको बताए । कार्यक्रममा डाईग्नोष्टिक सेन्टरका व्यवस्थापक केपी भण्डारीले सेवाको गुणस्तरीयतासँगै गुल्मी दरबार गाउँपालिका ४ वीरवासमा अवस्थित ग्रिनर्बड इंग्लिस बोडिगं स्कूल र रुन्खादह माध्यमिक विद्यालयको परिचयपत्र लिएर उपचार गर्न आउने सम्पूर्ण कर्मचारी तथा विद्यार्थीहरुलाई औषधीमा ५ प्रतिशत छुट र अन्य सेवा सुविधामा १० प्रतिशत छुट दिने व्यवस्था गरिएको बताए । कार्यक्रममा डाईग्नोष्टिक सेन्टरका व्यवस्थापक केपी भण्डारीले सेवाको गुणस्तरीयतासँगै गुल्मी दरबार गाउँपालिका ४ वीरवासमा अवस्थित ग्रिनर्बड इंग्लिस बोडिगं स्कूल र रुन्खादह माध्यमिक विद्यालयको परिचयपत्र लिएर उपचार गर्न आउने सम्पूर्ण कर्मचारी तथा विद्यार्थीहरुलाई औषधीमा ५ प्रतिशत छुट र अन्य सेवा सुविधामा १० प्रतिशत छुट दिने व्यवस्था गरिएको बताए । कार्यक्रममा लुम्बिनी प्रादेशिक अस्पतालका जनरल फिजिसियन डा. शम्भु खनालले बिरामीले आफ्नो स्वास्थ्यमा खेलबाड नगरी समय समयमा जाँच गराउनु आवश्यक रहेको बताएका थिए ।
उद्घाटन कार्यक्रमको अवसर पारेर महिला तथा स्त्रीरोग विशेषज्ञ डा.दिपक श्रेष्ठ , नाक कान घाटीरोग विशेषज्ञ डा. सन्तोष सर्मा , मुटु रोग विशेषज्ञ डा . बिजय यादब , जनरल फिजिसियन डा सम्भु खनाल लगायत विभिन्न विशेषज्ञ चिकित्सकहरुले बिरामीको स्वास्थ्य परीक्षण गरेका थिए । उक्त डाईग्नोष्टिक सेन्टरमा २४ सै घण्टा चिकित्सकसँगै एक्सरे, उपकरणयुक्त ल्याब, भिडियो एक्सरे लगायतको सुविधा रहेको छ । कार्यक्रम सन्चालन सन्तोष शर्माले गरेका थिए
