प्रकाश चालिसे
गुल्मी : गुल्मीको मुसिकोटमा माछा मार्ने क्रममा एकजनाको ज्यान गएको छ । मुसिकोट नगरपालिका-४ दिगामचौरका ३८ वर्षीय रामबहादुर कुमालको ज्यान गएको हो ।
रामबहादुर र उनका १० वर्षीय छोरा ओमित नजिकै रहेको बडिगाड खोलामा माछा मार्न गएका थिए ।
माछा मार्ने जाल खेल्ने क्रममा ढुङ्गामा चिप्लिएर रामबहादुरको ज्यान गएको जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक डिल्लीनारायण पान्डेयले जानकारी दिए ।
प्रहरीले उनको शव पोष्टमार्टमका लागि गुल्मी जिल्ला अस्पतालमा राखेको छ ।
