८ मंसिर
माधब ज्ञवाली। गुल्मीमा आज एक गोठमा आगलागी भएको छ। जिल्लाको रुरुक्षेत्र गाउँपालिका वडा न.४ नेटाका स्थानीय रवि पौडेलको गोठमा दिउँसो करिब साडे ३ बजेबाट लागेको आगोले गोठलाई पुर्णरुपमा क्षतिग्रस्त पारेको हो।
आगलागी भइरहेको बेला पौडेल घरमा हुनुहुन्थेन,उहाँको आमा बारीको काम गर्दै हुनुहुन्थ्यो ।”म घर भित्रको काम गर्दै थिएँ,एक्कासि धुवाँ उडिरहेको देखेँ,बाहिर आउँदा गोठमा आगो लागिरहेको थियो,” पौडेलकी श्रीमति सीता पौडेलले बताउनुभयो । आगलागी कसरी भयो भन्ने कुरामा आफुलाई थाहा नभएको तर विद्युत सट भएर लागेको हुन सक्ने उहाँको भनाई रहेको छ।
गोठमा बाँधिएका बाख्रा र पाडी फुकाउन जाने क्रममा आगोले पोलेर उहाँ सामान्य घाइते हुनुभएको छ भने गोठमा बाँधिएका पशु चौपायालाई भने सकुशल उद्दार गरिएको उहाँले बताउनुभयो।
करिब डेड घण्टाको प्रयासपछि स्थानीयहरुको सक्रियतामा आगो नियन्त्रणमा आएता पनि गोठ भने पुर्ण रुपमा जलेर नस्ट भएको छ।पानीको सुविधा हुनुको साथै घटना दिउँसो घटेको हुनाले आगो छिट्टै नियन्त्रणमा आएको र गोठ नजिकै रहेका अन्य घरहरू सुरक्षीत भएको स्थानीय जीवन गौतमले बताउनुभयो ।