१२ मंसिर,खुल्लान्यूज
जिल्ला ब्यूरो । गुल्मीको इस्मा गाउँपालिकामा जिप दुर्घटना हुँदा ५ जनाको घटनास्थलमै ज्यान गएको छ । इश्मा गाउँपालिका ४ हुलबाट सदरमुकाम तम्घासतर्फ आउँदै गरेको लु १ ज ११६६ नम्बरको जिप दुर्घटना भएको हो ।
ज्यान जानेमा इश्मा ४ हुलका डम्बर बहादुर हितान, सुन्दरी थापा, शिव बहादुर दर्लामी, धन बहादुर अछामी, बसन्त दर्लामी रहेको इस्मा प्रहरी चौकीका इन्चार्ज मोहनलाल अधिकारीले बताए ।
जिपमा चालक र सहचालकसमेत गरी नौ जना सवार थिए । इस्मा प्रहरीका अनुसार इस्मा गाउँपालिका–४ कै पर्शुराम थापा सरस्वती दर्लामी गम्भीर घाइते छन् ।
