१३ मंसिर,खुल्लान्यूज
रुकुम । रुकुम पश्चिमको आठबिसकोट नगरपालिका ८ स्थित जन्ती बोकेको जिप दुर्घटना भएको छ । जिप दुर्घटना हुँदा एकै गाउँका ४ जनाको ज्यान गएको छ । आठबिसकोट नगरपालिकाको दाजे भन्ने ठाउँमा रा १ ज ५८९ नम्बरको जिप दुर्घटना हुँदा सोही ठाउँका चार जनाको घटनास्थलमै ज्यान गएको जिल्ला प्रहरी कार्यालय रुकुम पश्चिमका म्क्ए ठगबहादुर केसीले जानकारी दिए ।
शुक्रबार सांझ ७ बजे सोही नगरपालिकाको दाजेबाट घारीखोला फर्कने क्रमममा जिप दुर्घटना भएको उनले बताए ।
दुर्घटनामा आठबिसकोट ८ का ५१ वर्षिय गोरे नेपाली , ५१ वर्षिकै कालिभान नेपाली ४८ वर्षका आईते चमारा र ६६ वर्षका सार्के नेपालीको ज्यान गएको छ । दुर्घटनाबाट सोही ठाउँका ५८ वर्षिय लालबहादुर नेपाली घाईते भएका छन । उनको स्वास्थ्य गम्भिर रहेको म्क्ए केसीले बताए । जिप सडकबाट करिब एक सय मिटर तल झरेको थियो । कसरी घटना भयो भन्ने बारेमा अनुसन्धान भैरहेको छ । चालक भने सम्पर्क बाहिर छन ।