१ पुस,खुल्लान्यूज
पालिका ब्यूरो । गुल्मीदरवार गाउँपालिका वडा नंम्बर तीनकी वडा सचिब पुर्णिमा घिमिरेको कार्यसम्पादनबाट अन्यले पनि अनुसरण गर्नुपर्ने प्रमुख प्रशासकीय अधिकृत लक्ष्मण पाण्डेले बताएका छन् ।
यस आर्थिक बर्षको प्रथम चौमासिक समीक्षा कार्यक्रममा प्रशासकीय अधिृत लक्ष्मण पाण्डेले राम्रो कामहरुको अनुसरण अन्यले पनि गर्नुपर्ने भन्दै घिमिरेलाई बधाई दिएका थिए ।
घिमिरेले वडा कार्यलयबाट भएका सम्पुर्ण कार्यहरुलाई समीक्षामा प्रस्तुत गरेकी थिइन् । उनले वडाबाट हुने र भएका कार्यसम्पादनलाई प्रस्तुत गर्दा पाण्डे खुसी हुँदै उनको प्रशंसा समेत गरेका थिए ।
समीक्षा कार्यक्रममा पालिकाका शाखा प्रमुखहरु र वडा सचिबहरुले प्रथम चौमासिकको समयमा भएका कार्यहरु र प्रगतिहरु प्रस्तुत गरेका थिए ।
कार्यक्रममा जनप्रतिनिधिहरु , गाउँपालिकाका कर्मचारीहरु र पत्रकारहरुको सहभागिता रहेको थियो ।
